ᬘᭀᬯ᬴ᬶᬤ᭄᭝᭑᭙᭝ᬢᬦ᭄ᬜᬸᬭᬸᬤᬂᬧᬫᬃᬕᬶᬩᬸᬮᬦ᭄ᬩᬳᬲᬩᬮᬶ᭝᭒᭐᭒᭑

ᬘᭀᬯ᬴ᬶᬤ᭄᭝᭑᭙᭝ᬢᬦ᭄ᬜᬸᬭᬸᬤᬂᬧᬫᬃᬕᬶᬩᬸᬮᬦ᭄ᬩᬳᬲᬩᬮᬶ᭝᭒᭐᭒᭑ - Printable Version

+- Forums Aksara Bali (https://bali.oss.web.id)
+-- Forum: Umum (https://bali.oss.web.id/forum-1.html)
+--- Forum: Berita (https://bali.oss.web.id/forum-18.html)
+--- Thread: ᬘᭀᬯ᬴ᬶᬤ᭄᭝᭑᭙᭝ᬢᬦ᭄ᬜᬸᬭᬸᬤᬂᬧᬫᬃᬕᬶᬩᬸᬮᬦ᭄ᬩᬳᬲᬩᬮᬶ᭝᭒᭐᭒᭑ (/thread-479.html)

ᬘᭀᬯ᬴ᬶᬤ᭄᭝᭑᭙᭝ᬢᬦ᭄ᬜᬸᬭᬸᬤᬂᬧᬫᬃᬕᬶᬩᬸᬮᬦ᭄ᬩᬳᬲᬩᬮᬶ᭝᭒᭐᭒᭑ - cokorda - 08-15-2025

[Image: kecil_1614862352WhatsApp%20Image%202021-...09.08.jpeg]

ᬯᬦᬓᬾᬃᬢᬶᬄ–ᬲᬩ᭄ᬤᬦᬶᬂᬢᬭᬸᬫᬳᭀᬢ᭄ᬢᬫᬤᬤᭀᬲ᭄ᬳᬸᬦ᭄ᬢᬾᬂᬭᬶᬂᬧᬭᬶᬓ᭄ᬭᬫᬩᬸᬮᬦ᭄ᬩᬳᬲᬩᬮᬶᬢᬳᬸᬦ᭄᭝᭒᭐᭒᭑᭝᭞ᬲᬦᬾᬫᬤᬸᬯᬾᬢᬾᬕᬾᬲ᭄ᬢᬭᬸᬧᬶᬦᬓᬧ᭄ᬭᬦᬦᬶᬂᬓᬳᬸᬭᬶᬧᬦ᭄ᬲᬸᬫᬂᬤᬦᬾᬧ᭄ᬭᬲᬶᬤᬓᬚᬕᬮᬦ᭄ᬓᬮᬾᬲ᭄ᬢᬭᬶᬬᬂ᭟ᬳᬶᬭᬕᬳᬶᬫᬦᬸᬲᬫᬂᬤᬫᬤᬸᬯᬾᬭᬲᬳᭀᬮᬲ᭄ᬳᬲᬶᬄᬭᬶᬂᬲᬃᬯᬧ᭄ᬭᬦᬶᬫᬂᬤᬧ᭄ᬭᬲᬶᬤᬮᬸᬧᬸᬢᬶᬂᬳᭀᬮᬶᬄᬲᬓᬜ᭄ᬘᬦ᭄ᬪᬬ᭟ᬳᬸᬦ᭄ᬢᬾᬂᬧᬸᬦᬶᬓᬗᬓᬄᬭᬶᬂᬧᬫᬃᬕᬶᬩᬸᬮᬦ᭄ᬩᬳᬲᬩᬮᬶᬤᬾᬲᬩᬦᬚᬭᬲᬾᬫ᭄᭟ᬧᬫᬃᬕᬶᬩᬸᬮᬦ᭄ᬩᬳᬲᬩᬮᬶᬭᬶᬂᬤᬾᬲᬩᬜ᭄ᬚ᭄ᬭᬭᬲᬾᬫ᭄ᬓᬭᬷᬦᬶᬦ᭄ᬳᭀᬮᬶᬄᬧᬫᬃᬕᬶᬩᬸᬮᬦ᭄ᬩᬳᬲᬩᬮᬶᬭᬶᬂᬤᬾᬲᬳᬤᬢ᭄ᬬᬾᬳᬦᬓᬦ᭄ᬲᬦᬾᬓᬮᬓ᭄ᬲᬦᬬᬂᬤᬶᬦᬯ᭄ᬭᬲ᭄ᬧᬢᬶ᭞᭝᭒᭕᭝ᬧ᬴ᬾᬩ᭄ᬭᬸᬯᬭᬶ᭝᭒᭐᭒᭑᭝ᬫᬕᬾᬦᬄᬭᬶᬂᬲ᭄ᬤ᭄ᬦᬾᬕᬾᬭᬶ᭝᭒᭝ᬩᬜ᭄ᬚ᭄ᬭᬭᬲᬾᬫ᭄ᬗᬯᬶᬢ᭄ᬕᬮᬄ᭝᭙᭝ᬲᬾᬫᬾᬂ᭟ᬧᬶᬦᬓᬧᬜᬾᬫ᭄ᬩ᭄ᬭᬫᬓᬲᭀᬮᬳᬂᬢᬭᬶᬲᬾᬓᬃᬚᬕᬢ᭄᭞ᬭᬭᬶᬲ᭄ᬓᬩᬸᬂᬓᬄᬳᭀᬮᬶᬄᬩᬦ᭄ᬤᬾᬲᬳᬮᬶᬢᬦ᭄ᬫᬚᬾᬮᬶᬲ᭄ᬤᬾᬲᬳᬤᬢ᭄ᬓᬾᬘᬫᬢᬦ᭄ᬲᬾᬭᬶᬭᬶᬢ᭄ᬳᬦ᭄ᬢᬸᬓ᭄ᬦᬾᬧᬓ᭄ᬕᭀᬂ᭞ᬧᬭᬶᬓ᭄ᬭᬫᬧᬸᬦᬶᬓᬫᬫᬃᬕᬶᬳᬦ᭄ᬢᬃᬗᬦᬸᬢᬶᬦ᭄ᬧ᭄ᬭᭀᬢᭀᬓᭀᬮ᭄ᬓᬾᬲᬾᬳᬢᬦ᭄ᬘᭀᬯ᬴ᬶᬤ᭄᭝᭑᭙᭝᭟ᬜᬸᬭᬢ᭄ᬳᬓ᭄ᬲᬭᬩᬮᬶᬧᬶᬦᬓᬯᬶᬫ᭄ᬩᬓᬭᬲᬦᬾᬓᬮᬓ᭄ᬲᬦᬬᬂᬭᬶᬂᬤᬾᬲᬳᬤᬢ᭄ᬬᬾᬳᬦᬓᬦ᭄᭞ᬯᬶᬫ᭄ᬩᬓᬭᬧᬸᬦᬶᬓᬶᬓᬲᬭᬾᬗᬶᬦ᭄ᬳᭀᬮᬶᬄ᭝᭑᭐᭝ᬤᬶᬭᬶᬳᬮᬶᬢ᭄ᬳᬮᬶᬢ᭄ᬧᬶᬦᬓᬤᬸᬢᬲᭀᬯᬂᬲᭀᬯᬂᬩᬜ᭄ᬚ᭄ᬭᬃᬳᬤᬢ᭄᭟ᬭᬭᬶᬲ᭄ᬓᬮᬦ᭄ᬢᬸᬭᬂᬳᬦ᭄ᬢᬸᬓ᭄ᬤᬾᬲᬳᬤᬢ᭄ᬩᬜ᭄ᬚ᭄ᬭᬭᬲᬾᬫ᭄ᬲᬦᬾᬢᬮᬾᬃᬗ᭄ᬮᬓ᭄ᬲᬦᬬᬂᬩᬸᬮᬦ᭄ᬩᬳᬲᬩᬮᬶᬭᬶᬂᬤᬶᬦᬯ᭄ᬭᬲ᭄ᬧᬢᬶ᭞᭝᭒᭕᭝ᬧ᬴ᬾᬩ᭄ᬭᬸᬯᬭᬶ᭝᭒᭐᭒᭑᭝ᬫᬕᬾᬦᬄᬭᬶᬂᬯᬦ᭄ᬢᬶᬮᬦ᭄ᬩᬜ᭄ᬚ᭄ᬭᬃᬤᬶᬦᬲ᭄ᬤᬚᬦ᭄ᬭᬸᬭᬸᬂᬗᬯᬶᬢ᭄ᬕᬮᬄ᭝᭑᭝ᬢᬾᬗᬿ᭟ᬧᬭᬶᬓ᭄ᬭᬫᬧᬸᬦᬶᬓᬶᬢᬮᬾᬃᬓᬩ᭄ᬩᬸᬂᬓᬄᬳᭀᬮᬶᬄᬩᬦ᭄ᬤᬾᬲᬳᬮᬶᬢᬦ᭄ᬫᬚᬾᬮᬶᬲ᭄ᬤᬾᬲᬳᬤᬢ᭄ᬓᬾᬘᬫᬢᬦ᭄ᬲᬾᬭᬶᬭᬶᬢ᭄᭟ᬯᬶᬫ᭄ᬩᬓᬭᬜᬸᬭᬢ᭄ᬳᬓ᭄ᬲᬭᬩᬮᬶᬧᬶᬦᬓᬯᬶᬫ᭄ᬩᬓᬭᬲᬦᬾᬓᬮᬓ᭄ᬲᬦᬬᬂᬭᬶᬂᬩᬸᬮᬦ᭄ᬩᬳᬲᬩᬮᬶᬤᬾᬲᬳᬤᬢ᭄ᬩᬦᬚᬭᬲᬾᬫ᭄᭟ᬯᬶᬫ᭄ᬩᬓᬭᬓᬫᬶᬮᬾᬢᬶᬦ᭄ᬳᭀᬮᬶᬄ᭝᭑᭐᭝ᬤᬶᬭᬶᬳᬮᬶᬢ᭄ᬳᬮᬶᬢ᭄᭞ᬲᬦᬾᬓᬵᬫ᭄ᬩᬶᬮ᭄ᬲᬓᬶᬂᬲᭀᬯᬂᬲᭀᬯᬂᬩᬜ᭄ᬚ᭄ᬭᬃᬳᬤᬢ᭄᭟ᬬᬤᬶᬬᬲ᭄ᬢᬸᬦ᭄ᬓᬩᬦ᭄ᬤᬳᬦ᭄ᬢᬸᬓ᭄ᬳᬸᬚᬦ᭄ᬳᬗᬶᬦ᭄᭞ᬦᬾᬦ᭄ᬢᬾᬦ᭄ᬗᬶᬘᬮᬂᬭᬲᬢᬾᬮᬾᬩ᭄ᬮᬦ᭄ᬧᬕᬾᬄᬳᬮᬶᬢ᭄ᬳᬮᬶᬢ᭄ᬧᬫᬶᬮᬾᬢ᭄ᬯᬶᬫ᭄ᬩᬓᬭᬜᬸᬭᬢ᭄ᬳᬓ᭄ᬲᬭᬩᬮᬶᬤᬾᬲᬳᬤᬢ᭄ᬩᬦᬚᬭᬲᬾᬫ᭄ᬲᬸᬭᬸᬤ᭄᭟ᬲᬦᬾᬓᬧᬶᬂᬳᬸᬦ᭄ᬢᬢ᭄ᬓᬫᬃᬕᬶᬬᬂᬩᬸᬮᬦ᭄ᬩᬳᬲᬩᬮᬶᬭᬶᬂᬤᬶᬦᬭᬾᬤᬶᬢᬾ᭞᭝᭒᭘᭝ᬧ᬴ᬾᬩ᭄ᬭᬸᬯᬭᬶ᭝᭒᭐᭒᭑᭝ᬭᬶᬂᬤᬾᬲᬳᬤᬢ᭄ᬓᬮᬗᬜᬃᬧᬶᬦᬓᬧᬫᬸᬧᬸᬢ᭄ᬩᬸᬮᬦ᭄ᬩᬳᬲᬩᬮᬶ᭝᭒᭐᭒᭑᭝᭟ᬧᬭᬿᬓ᭄ᬭᬫᬧᬸᬦᬶᬓᬓᬮᬓ᭄ᬲᬦᬬᬂᬗᬯᬶᬢ᭄ᬕᬮᬄ᭝᭑᭝ᬢᬾᬗᬿ᭞ᬫᬕᬾᬦᬄᬭᬶᬂᬯᬦ᭄ᬢᬶᬮᬦ᭄ᬧᬸᬭᬤᬾᬲᬳᬤᬢ᭄ᬓᬮᬗᬜᬃ᭟ᬧᬶᬦᬓᬧᬜᬾᬫ᭄ᬩ᭄ᬭᬫᬓᬲᭀᬮᬳᬂᬢᬭᬶᬲᬾᬓᬃᬚᬕᬢ᭄᭞ᬭᬭᬶᬲ᭄ᬓᬢᬾᬧᬓ᭄ᬕᭀᬂᬳᭀᬮᬶᬄᬩᬦ᭄ᬤᬾᬲᬳᬮᬶᬢᬦ᭄ᬫᬚᬾᬮᬶᬲ᭄ᬤᬾᬲᬳᬤᬢ᭄ᬓᬾᬘᬫᬢᬦ᭄ᬲᬾᬭᬶᬭᬶᬢ᭄ᬧᬶᬦᬓᬘᬶᬄᬦᬩᬸᬮᬦ᭄ᬩᬳᬲᬩᬮᬶᬤᬾᬲᬳᬤᬢ᭄ᬓᬮᬗᬜᬃᬓᬩᬸᬂᬓᬄ᭟ᬯᬾᬦ᭄ᬢᬾᬦ᭄ᬫᬓᬸᬤᬂᬓᬸᬤᬂᬯᬶᬫ᭄ᬩᬓᬭᬲᬦᬾᬓᬮᬓ᭄ᬲᬦᬬᬂᬫᬶᬦᬓᬤᬶ:ᬜᬸᬭᬢ᭄ᬳᬓ᭄ᬲᬭᬩᬮᬶ᭞ᬫᬓᬶᬤᬸᬂ᭞ᬫᬲᬢᬸᬯᬩᬮᬶ᭞ᬮᬦ᭄ᬗ᭄ᬯᬘᬾᬦ᭄ᬳᬓ᭄ᬲᬭᬩᬮᬶ᭟ᬯᬶᬫ᭄ᬩᬓᬭᬧᬸᬦᬶᬓᬓᬫᬶᬮᬾᬢᬶᬦ᭄ᬳᭀᬮᬶᬄᬳᬮᬶᬢ᭄ᬳᬮᬶᬢ᭄ᬧᬲ᭄ᬭᬫᬦ᭄ᬭᬶᬂᬤᬾᬲᬧᬸᬦᬶᬓ᭟ᬬᬤᬶᬬᬲ᭄ᬢᬹᬦ᭄ᬓᬭᬶᬫᬲᬦ᭄ᬧᬦ᭄ᬤᬾᬫᬶᬧᬫᬶᬮᬾᬢ᭄ᬲᭀᬯᬂᬲᭀᬯᬂᬮᭀᬫ᭄ᬩᬦᬾᬦ᭄ᬢᬾᬦ᭄ᬲᬸᬭᬸᬤ᭄᭞ᬳᬮᬶᬢ᭄ᬳᬮᬶᬢ᭄ᬭᬶᬂᬤᬾᬲᬳᬤᬢ᭄ᬧᬸᬦᬶᬓᬶᬲᬬᬦ᭄ᬢᬾᬮᬾᬩ᭄ᬦᬶᬜ᭄ᬘᬧᬂᬮᬦ᭄ᬗ᭄ᬮᬾᬲ᭄ᬢᬭᬶᬬᬂᬩᬲ᭞ᬳᬓ᭄ᬲᬭ᭞ᬮᬦ᭄ᬲᬲ᭄ᬢ᭄ᬭᬩᬮᬶ᭟“ᬤᬸᬫᭀᬕᬶᬢᬳᬸᬦ᭄ᬲᬮᬦ᭄ᬢᬸᬃᬜᬦᬾ᭞ᬤᬾᬲᬳᬤᬢ᭄ᬫᬶᬯᬄᬤᬾᬲᬤᬶᬦᬲ᭄ᬫᬂᬤᬳᬤᬸᬂᬭᬶᬓᬮᬗ᭄ᬮᬓ᭄ᬲᬦᬬᬂᬩᬸᬮᬦ᭄ᬩᬳᬲᬩᬮᬶᬧᬸᬦᬶᬓᬶ᭟ᬫᬂᬤᬩᬲ᭞ᬲᬲ᭄ᬢ᭄ᬭ᭞ᬮᬦ᭄ᬳᬓ᭄ᬲᬭᬩᬮᬶᬲᬬᬦ᭄ᬦᬶᬜ᭄ᬘᬧ᭄ᬲᬓᬤᬶᬯ᬴ᬶᬲᬶᬫᬶᬲᬶᬧᬾᬫᬾᬭᬶᬦ᭄ᬢᬄᬧ᭄ᬭᭀᬯ᬴ᬶᬦ᭄ᬲᬶᬩᬮᬶᬳᬶᬂᬕᬶᬄᬧᬸᬦᬶᬓᬦᬗᬸᬦ᭄ᬲᬢ᭄ᬓᬾᬃᬝqᬶᬮᭀᬓᬩᬮᬶ᭟”ᬧᬸᬦᬶᬓᬧᬗᬧ᭄ᬢᬶᬤᬦᬾᬘᬫᬢ᭄ᬲᬾᬭᬶᬭᬶᬢ᭄ᬜᭀᬫᬦ᭄ᬳᬕᬸᬲ᭄ᬢ᭄ᬭᬶᬓᬃᬢᬶᬓᬬᬸᬤ᭞ᬲ᭄᭟ᬳᬶᬧ᭄᭞ᬫ᭄᭟ᬲᬶᬭᬶᬓᬮᬗᬶᬘᬾᬦ᭄ᬲᬫ᭄ᬩ᭄ᬭᬫᬯᬘᬦᬭᬶᬂᬧᬭᬶᬓᬭᬫᬩᬸᬮᬦ᭄ᬩᬳᬲᬩᬮᬶ᭟

[Image: kecil_1614862352WhatsApp%20Image%202021-...08.38.jpeg]